E $1.5 piliona tusa lea ma le $2.3 piliona Ausetalia i cryptocurrency ua gaoia e le au hackers mai Korea i Matu ma ua faamauina o le vaegatupe aupito tele lea ua gaoia i tulaga faapea.
Fai mai lipoti o se tulaga faapopoleina lea ae o se lu’itau foi mo le faigamalo fou a Trump.
Fai mai le ausu’esu’e faato’ā vaai lea i lea foi ituaiga hack fou e faaigoa o le Bybit e faatino lava le gaoiga o tupe i se osofa’iga se tasi ae o se vaegatupe tele foi.
I tausaga ua te’a o loo lipotia sa faatino ai e le au hackers lea mai Korea i Matu ni vaegatupe tetele mai faletupe ma ofisa loia foi ma ua ta’ua o se vaega tele o a latou polokalame e aofia ai missiles o loo faatupe mai ituaiga osofa’iga faapea e pei foi ona molimau ai se sui o le falepa’epa’e a Amerika i le 2023.
O loo faatalia se tali mai le malo o Korea i Matu i le mataupu lea e pei ona fesiligia ai e le CNN ae o loo faagasolo pea su’esu’ega.
Puna o Faamatalaga: https://www.9news.com.au/world/north-korean-hackers-steal-over-one-billion-in-crypto/40a4e41e-e433-4d6d-ae23-18331bda2bb9
