E iai se sui o le vaega’au faavaomalo o loo latou faafetauia kegi i totonu o Haiti, ua lipotia mai ua fasiotia.

Ua tula’i mai lea tulaga a o aga’i atu le failautusi o le setete a Amerika, Marco Rubio e amata lana malaga taamilo i le Atu Karipiane ma mata’itū foi le vevesi lea i Haiti.

Fai mai o lē ua fasiotia o se leoleo Kenya na lipotia muamua o loo tau sa’ilia ma na masalomia ua ave faapo e nisi o kegi o loo aofia i vesiga peitai o lea ua toe faamaonia mai e se sui o le vaega’au a Haiti e moni ua fasiotia lea malu o le malo.

O le mission lea na aga’i ane ai le vaega’au faavaomalo lea sa taunuu ane ia Iuni o le tausaga talu ai ma o loo fesoasoani ai foi Amerika i lea taumafaiga.

Fai mai le CNN e silia ma le 80 pasene o le laumua o Haiti ua pulea uma e kegi ma ua faifaitetele a latou faiga ma ua amata ona oo atu i nofoaga maotua o le atunuu.

O se tasi faafitauli ua vaaia le faatupula’ia pea i Haiti o le fia aai o tagata ma le matitiva.

Puna o Faamatalaga: https://edition.cnn.com/2025/03/26/americas/haiti-mss-kenya-officer-missing-gangs-intl-latam/index.html