E to’afā ua faamaonia ua maliliu mai le afā malosi o Melissa na aafia ai Jamaica atoa ai ma le anoano o mea ua faaleagaina.
Ua lipotia foi pe ā ma le to’a 20 pe a ititi mai le aofa’i o tagata ua maliliu i Haiti ona o lōlōga ma aafiaga lava o le afā malosi.
Sa faatulaga i le Vaega 5 poo le Category 5 le malosi o Melissa ma ua maua lipoti i le to’atele o tagata sa afatia i luga o taualuga o o latou fale ma le motusia o le eletise i le tele o nofoaga.
Saunoa le Palemia o le atunuu, Andrew Holness i le BBC o le a tuu atoa le malosi i le toe taumafaiga o lo latou atunuu ma le tele o mea ua faaaleagaina.
Fai mai o le isi taulaga e igoa o Black River ua matua’i faaleagaina lava.
O le taimi nei ua faaitiitia le malosi o le afā ma ua aga’i atu i le Bahamas ma faasolo ane ai i Bermuda i se taimi o le asō.
Ua amata solo atu fesoasoani mai Malo Aufaatasi faapea ma isi atunuu e fesoasoani ai mo Jamaica.
Puna o Faamatalaga: https://www.bbc.com/news/live/cvgvexdjp1xt
