Ua faatonu e le Palemia o Isaraelu, Benjamin Netanyahu le militeli a le atunuu ina ia tumau pea i le faaitu o loo iai i le mauga o Heremoni poo mount Hermon i Suria se’ia oo i le faai’uga o le tausaga fou 2025.
Ua lipotia e le CNN na maua e Isaraelu le mauga lea i Suria i le mae’a o le faato’ilaloina o le pulega a Assad i le amataga o le masina.
Fai mai faamatalaga a le CNN ua fuafua le faatonuga a Netanyahu i lana vaega’au ia faaumiumi se’i faatalitalia ai le tulaga o le a iai Suria ma fua i faamatalaga mai se source faamoemoeina o loo fia faamautū e Netanyahu pe amana’ia ma faatāua e le ta’ita’iga fou ua iai nei a Suria le maliega na faia i le 1974 e faatatau i le vaega lea e i autafa o le tuaoi lea e iai i luga le mauga e pei ona ta’ua.
Sa tuua’ia e le ta’ita’i ua iai nei o Suria Isaraelu i ana gaioiga nei ma le kolosia o le vaega e pei ona iai nei ma ua tuua’ia foi e isi setete o le Atu Alapi peitai ua maumaua’i pea Netanyahu e faapea o le a o latou lē faatagaina kulupu ia a le Jihadi e faamata’uina komiuniti o tagata Isaraelu.
Puna o Faamatalaga: https://edition.cnn.com/2024/12/18/middleeast/idf-mount-hermon-2025-intl-latam/index.html
