O le asō lea e palotaina ai e le Kapeneta a Isaraelu se maliega e faatatau i le faamuta o osofa’iga i Lepanona.

Ua faamaonia ane e le sooupu a le ofisa o le Palemia i le CNN lea faamatalaga ina ua fesiligia e le ofisa faasalalau i le maua ai o faamatalaga mai se tasi faamoemoeina e faapea ua ioeina e le Palemia o Isaraelu lea fuafuaga.

O nisi faamatalaga ua lipotia mai i le mataupu lea ua ta’ua ai o loo faaauau pea fetaua’iga i le va o Isaraelu ma le Hezbollah ma o sina mea sese e tasi e ono toe aafia ai tulaga lelei o feutana’iga sa faia i se taimi e le’i mamao atu ma atagia ai e foliga o le a maua se to’a i taua o loo faia pea i Lepanona.

Fai mai e eseese foi finagalo faaalia o tagata Isaraelu i le mataupu lenei o nisi e lē o manana’o e taofia le taua o loo faia nei ona fai mai a latou o le a misi ai le avanoa e aveesea atoa ai le Hezbollah.

O loo finau foi nisi tagata Isaraelu e tatau ona faailoa uma atu aiaiga o le maliega e pei ona faatalanoaina.

O le manatu o nisi tagata Isaraelu ua siilima Isaraelu pe afai ae taunuu lea maliega ma o le maliega foi faapea sa faia i le 2006 ae le o taofia ai lava le tulaga e pei ona alia’e mai.

Puna o Faamatalaga: https://edition.cnn.com/2024/11/25/middleeast/israeli-prime-minister-approves-lebanon-ceasefire-deal-in-principle-intl/index.html