Ua ioe se alii talavou i lona faia o ni sauaga matagā i se teine talavou i le faaiuga o le tausaga ua mavae.
Ua poloaiga e le Faamasinoga le taofia ona faasalalau le suafa o lea alii, ma se faamatalaga lava e faatatau i lea alii e silafia ai e le atunuu lē ua molia.
Ae o le aso ananafi na tulai ai i le faamasinoga ma ioe i moliaga a leoleo e tauala atu i lana loia.
O loo ta’ua i faamaumauga a leoleo o lē na aafia o se tagatānuu Samoa e aumau i atunuu i fafo na malaga mai e tafao i lona aiga i Samoa nei ae tupu ai loa le faalavelave.
Ua faatulaga e le Faamasinoga lana faaiuga i lea alii i le aso 12 o Aperila o le tausaga nei.
