Ua maua le faamaoniga mai Indonesia o lea ua o latou iloa ma faamauina le tamaitiiti e 17 tausaga lea ua masalomia, o ia lea na faatinoina le osofa’iga na faia i se fale tapua’i i se a’oga i le Aso Faraile talu ai a o faia tatalo i lea nofoaga i le laumua o Indonesia o Jakarta, ma manunu’a ai tagata e 54 e to’atele lava o tamaiti a’oga.
O molimau na o latou faamatala i se televise i le atunuu na faalogoina se pa’ō leotele i le aoauli o le aso lea a o faato’ā amata le lauga mai totonu o le faletapua’i lea, ma tamomo’e ai i fafo le to’atele o tamaiti a’oga ona o le popole, ae fai mai leoleo na o latou maua iai ma se fana e lē taumate o le fana lea submachine gun e talitonuina o le fana a le tagata na ia faatupuina le faalavelave.
O lea la ua masalomia, le 17 tausaga lea sa ia faia lona ta’otoga ona sa faamanu’alia ai foi ma ia i mea na pā pā ane mai totonu o le faletapua’i.
O loo faaauau le su’esu’ega i le taimi nei mo le faamautūina o le māfua’aga ae pe iai foi se sootaga i le faalavelave na tupu mai i Kalaiesetete i le 2019.
Puna o Faamatalaga: https://www.9news.com.au/world/multiple-explosions-shake-a-mosque-in-an-indonesian-high-school-and-injure-dozens-of-students/28963ad9-56c5-4a5e-8721-72d7e366c546
