O le Palemia fou o Iapani o Sanae Takaichi ua ia faailoa e fia feiloa’i ma faia se fonotaga ma le ta’ita’i o Kolea i Mātū o Kim Jong Un, fai mai o se tulaga lea e le’i faia lava e se isi ta’ita’i o Iapani mo le silia i le 20 o tausaga.
Fai mai Takaichi i le CNN ua mae’a ona faailoa atu ia Kim lo latou naunauta’iga ina ia faia se fonotaga.
Sa faia ana faamatalaga ia i le rally sa faia a tagata Iapani ua valaau ai mo le toe faafoi ane o le to’atele o tagata Iapani na ave faamalosia e Korea i Mātū i le tele o tausaga ua tuana’i.
Fai mai le tama’ita’i Palemia e mana’o e faafesaga’i ma le ta’ita’i lea o Korea i Mātū ma faia se faaleleiga.
O le faamatalaga a Iapani e pe ā ma le to’a 17 tagata sitiseni o lona atunuu na ave faamalosia e Korea i Mātū i le vaitau o le 1970-1980 ma le isi to’alima na ave i le 2002.
Puna o Faamatalaga: https://edition.cnn.com/2025/11/03/asia/japan-takaichi-north-korea-kim-jong-un-intl-hnk
