Sa faalogoina le lūlū o se mafui’e i Beijing i le po anapo na faate’ia ai le to’atele ma vaaia foi videos i luga o le social media i le tamomo’e solo o tagata ina ua lūlū.
E 4.5 le malosi i le fua mafui’e ma sa faalogoina i le faaitu o Tianjin poo le te’a o le tasi i le vaveao taimi Beijing ma o lona loloto e 10km e pei ona faamauina e le US Geological Survey.
Na fuaina e le China Earthquake Networks Centre le mafui’e fai mai e 4.2 le malosi peitai i faamaumauga lata mai ua ta’ua e 4.5 le malosi.
E le’i iai ni ona aafiaga tele i fale tetele i le aai peitai o se tulaga faapopoleina aemaise tagata i ia faaitu e aafia soo i faalavelave faalenatura faapea.
O ata i luga o le social media i le asō ua vaaia ai le malosi o le lūlū o le mafui’e ae ua faafetaia e le to’atele le leai o se soifua na ma’umau ai.
Puna o Faamatalaga: https://edition.cnn.com/2025/03/26/china/china-earthquake-rattles-beijing-intl-hnk/index.html
