O loo iai se faipule o Guam o loo finau mo le avea o lona atunuu ma vaega o le malo tele o Amerika ona o popolega e i’u ina faigofie ona faatau ese lona atunuu i le mau gaioiga o loo tula’i mai i le lalolagi i le taimi nei.
Fai mai le leitio faavaomalo a Niu SIla o loo sauni e faatalanoa le mataupu lea i le Palemene a Guam ma o William Parkinson le faipule o loo una’ia le mataupu lea na ia ta’ua, afai ae tula’i mai se taua i le va o Saina ma Amerika e omia ai Guam i le ogatotonu ma e sili ai ia te ia le avea o Guam ma se tasi o setete o Amerika.
Fai mai Parkinson o setete e faavavau ae o teritori e mafai ona fefaataua’i ma e lē mana’o i lea tulaga e tupu ia Guam.
E iai nisi e lē o lagolago i le finagalo o lea alii faipule; fai mai a latou o le avea ma setete o se mea telē ma ua leai se eseesega o le mana’oga o le faipule lea ma le mana’o o se tagata e avea ma sui o se kalapu ae lē o manana’o ai le kalapu.
Puna o Faamatalaga: https://www.rnz.co.nz/international/pacific-news/556306/guam-senator-pushes-for-us-statehood-to-secure-island-s-future
