O le faitau afe o tagata ua leai ni fale talu ona mae’a le afā o Gabrielle o le a manaomia se ituaiga o nofoaga le tumau mo le taimi nei a o faatalia ai le toe fausia o ni o latou fale.
Fai mai le matagaluega o loo feagai ma auaunaga ia, o loo faagasolo nei fuafuaga e maua ai se toomaga mo i latou ia.
O le auaunaga a le malo mo fale le tumau mo i latou ua aafia i le afā na amata avanoa mo le atunuu i le amataga o le masina ina ua mae’a lologa.
Fai mai lē o loo faaulu iai lea fuafuaga o Steve Watson, e le mailoa mo le taimi nei le aofai o tagata o loo moomia lea ituaiga fetuunaiga ae ua faagasolo fuafuaga ma o le a faaaoga ai ituaiga eseese o fale poo accommodation.
O le faatupeina o lenei fesoasoani o le a manaomia ona alu ane mai le malo.
I le itu foi i talosaga a aiga ua aafia agai i le inisiua mo mea ua faaleagaina, ua amata atu i le asō ona mafai ona agavaa e faaaoga le NZ Claims Resolution Service mo tagata ua umia fale motu, ina ia fesoasoani ai ia latou talosaga.
A fia fesootai i lea auaunaga e mafai ona valaau i le 0508 624 327 poo le imeli contact@nzers.govt.nz
