Ua iai fuafuaga a le malo e faafaigofie ai tulafono i le nonoina o tupe.
Saunoa le minisita o le Consumer Affairs, Andrew Bayly o tulafono o iai nei ua fai si faigata ma ua faafaigata ai ona maua ni loans a nai isi tagata o loo iai le agavaa e talosaga ai mo ni nonogatupe.
Na ia faailoa la o le a faafaigofie tulafono faatatau i le itu lea ma o le a faatulaga foi le Financial Markets Authority e feagai ma lea matafaioi o le vaavaaia atoa ma le Reserve Bank e feagai ma le mataituina o tulaga tau faaletupe ma kamupani finance.
Na ta’ua foi e Bayly o loo iai foi le fuafuaga e toe iloilo le Tulafono o Kamupani poo le Companies Act lea ua 30 tausaga o iai pea ma o le a silasila foi i le KiwiSaver.
O le faiga faavae a le National sa folafola e mafai ai e investors ona auai i le silia ma le tasi le KiwiSaver.
