O le taeao nei lea na faailoa ai e le Ofisa a le Amepasa o Amerika i Samoa nei le fuafuaga e malaga mai ai le Second Gentleman o ia foi o le aiga a le Sui Peresitene o le Malo tele o Amerika, Kamala Harris ma lana aumalaga.
O lenei aumalaga e lua aso o loo malaga mai ai i Samoa ona toe malaga lea i Niu Sila i le tatala aloaia ai o le taamilosaga soka a le lalolagi i le vaega o tamaitai.
O lenei faigamalaga o le a feiloai ai i sui o le Malo o Samoa faatasi ai ma nisi o tina faipisinisi e faamalosia ai faigapaaga a Samoa ma le Malo tele o Amerika i tausaga e tele.
O nisi o vaega o le a faailoga ai lenei feiloaiga o le a faailoa ai mataupu tau i suiga o le tau, o le a faatupulaia ai auala e tali atu ai i taimi o faalavelave faafuasei, o atina’e faaauau mo le tamaoaiga faapea ai le unaia o tina ma tamaitai i le itu tau tamaoaiga.
