Aso Faraile, 09 Oketopa 2026.
Ua tau faai’ui’u i lenei vaiaso le fonotaga tele a le Iuni o Palemene le IPU o loo avea ai Samoa ma sui auai, lea sa faia ai le folasaga a le usugafono mai le palemene o Samoa, ma folasia ai nisi o taumafaiga o loo taula’i iai galuega a le tatou palemene i le fa’amoemoe e faamalosia ai faiga faatemokarasi o loo lima ta’ita’iina ai palemene uma o atunuu e 183 o le lalolagi o loo i totonu o le iuni le Inter-Parliamentary Union. O le usugafono a Samoa o loo aofia ai le sui faipule tamaitai o le itumalo o Safata 1 ma le faipule o Safata 2 na ia fofogaina le folasaga.
Se vaega o le saunoaga a le faipule o Safata 2 le afioga, Tuia Pua Fuatogi Letoa sa fai ma sui o le usugafono a Samoa i le fono 153 a le Iuni o Palemene le Inter-Parliamentary Union, sa faasalalau i auala o feso’otaiga faaonapo nei mai le aai o Arusha i le atunuu o Tanzania i Aferika i Sasa’e.
O isi sui o le usugafono a le palemene o Samoa o le sui faipule o Faasaleleaga 2 ma le faipule o Aleipata Itupa i lalo.
E toatolu ofisa sinia o le Ofisa o le Fono Aoao Faitulafono o loo malaga ai i le fonotaga na amata i le Aso Gafua o le vaiaso nei.
Comments
Loading comments…