O se tasi o magaala i Aukilani lea na tapunia i le 9 masina talu ai ina ua pa ai se tasi vaega o paipa na faailoa mai i le asō o le a toe tatala i le faaiuga o Aperila e pei ona faamanino mai e le Auckland Transport.
O galuega lipea sa fuafuaina e amata i le faaiuga o Ianuari ua tuanai sa faalua ona faatuai ona o lologa faapea foi ma le afā o Gabrielle.
Fai mai ua faatuai le galuega ae o loo sologa lelei pea lona faatinoina.
Sa faailoa e le sui o le Auckland Transport afai ae sologa lelei pea le tau, e tatau ona toe tatala atoa lea auala i le aso 24 o Aperila ma e faafetaia tagata uma e aumau i Laingholm Drive mo le latou onosai a o tau faamae’a lea galuega.
O Laingholm o se tasi lea o faaitu i West Auckland e lalata i le Waitakere Ranges.
