Ua folafola e le faigamalo o loo tulai mai i le taimi nei i Ausetalia le isi tasi le piliona o fesoasoai o le a tufatufaina lava e setete i ona tagata.

Ua ta’ua i se lipoti i le asō afai o se tagata e umia le concession card pe o se tasi foi ua litaea o le a fesoasoani tele lea vaegatupe mo oe.

O isi e aofia ai tagata penisiona o le a maua foi se faaopoopoga i tupe maua i le aso 20 o le masina nei.

Ua lipotia uma foi e le Wesley Mission, o le Foodbank ma le Salvos le siitia maualuga o le aofai o tagata ua talosaga atu mo ni fesoasoani ma o le toatele o i latou ia o tagata e iai nonogatupe o fale poo mokesi.

I Niu Sa Uelese lava ia ua folafola e le Leipa o le a tuuina mai le tai $250 o peimeni mo i latou e agavaa i penefiti.

O loo iai foi ma se faamanatu i nisi o fesoasoani e lē mai le malo ae mai nisi o faalapotopotoga e fesoasoani ai i tagata i le totogiina o le tau o le eletise, faatauina o taumafa ma le faamama avega i nisi vaega o le soifuaga.