E tasi le aso talu ona faia le suegatupe mo Yanfei Bao e ala i le Givealittle, ae o lea ua savali i le $40,000 ua foaia.
O lea lava e lei maua le tina Kalaiesetete ia Yanfei, poo le tina faatau fale ma a o faasolo ai pea suesuega a leoleo o lea ua tuufaatasi e se tasi o faauo le sailigatupe e fesoasoani ai i lona aiga e lē gata i lona toalua ma le alo tamaitai ae o lona aiga mai Saina lea ua amata gasolo mai.
O le Aso Toonai na faatoa amata faalauiloa ai ae oo mai i le aoauli ananafi ua silia ma le $30,000.
E oo mai i le taeao nei ua silia ma le $36,000.
O Yanfei o lea ua iai le talitonuga o leoleo ua fasiotia ma ua 13 ai aso i le asō o leiloa.
E ese mai i le aiga ma uo faanoanoa a le tina ia Yanfei, ua faaalia foi e tagata faigaluega o loo faia le galuega lava lenei e tasi o le faatau fale poo real estate agents e le o faigofie foi ia i latou ma ua maua e tala fou o lea ua faatonuina e le pulega a le Bayleys lana aufaigaluega a o i tua e asiasi e fale o aiga, ia o taitoalua.
