Ua taunuu i le nofoaga o loo tausia ma vaaia ai fanau ua sauaina le Campus of Hope a le faalapotopotoga o le Toomaga mo ē Puapuagatia le foai mai le Ekalesia Katoliko i Aukilani ua ta’ua o le Auckland Central Catholic Kahui Ako, o pusa o oloa eseese e aofia ai lavalava ma le siakitupe e 16 afe tala.
O le sui o lea ekalesia le faletua o Makerita Tagomoa Papalii na ia tauaao lea fesoasoani i le peresetene o le Toomaga, le faletua o Siliniu Lina Chang.
Ua mafai ona tuufaatasia lea seleni ma pusa o oloa eseese i le galuega a aoga Katoliko e 14 i totonu o Aukilani sa faatino e faiaoga ma fanau.
O loo i Samoa sui o lea ekalesia i se latou malaga tautua mo Samoa e tasi le vaiaso ona toe taliu lea i Niu Sila.
