Ua uma le Aso Gafua, alu atu ma ananafi o fiu e tatali, ma ua faaalia ai le faanoanoa o le toatele o aiga Aukilani na faaleagaina o latou fale i lologa.
O le Aso Gafua o le vaiaso nei na faailoa mai e le Auckland Council e amata talanoa ai ma aiga Aukilani e tusa ma le lumanai o fale na faaleagaina poo fale nei ua pipii ai le sticker.
I lipoti a le Newshub ua fiu e tatali e leai se fesootaiga ma ua faaalia ai e le toatele le faanoanoa i le lelei o fesootaiga sa iai ma le Council a o lea ua lima masina o faatali.
Peitai i se tali mai a le sui o le Auckland Council, o loo ia faamaonia e moni o le Aso Gafua lea sa ta’u peitai o lea e faatoa amata maua mai le aso faasolo atu i le Aso Faraile tusi o loo faatalosagaina ai nisi faamatalaga ina ia mafai ai ona faamae’a iloiloga ma faamautu ai loa le faaiuga pe agavaa i le faiga o le a faatau ese ai e le malo nisi o fale.
O le mae’a ai o le vaiaso nei o le a amata ai loa faatalanoaga mai le vaiaso fou mo i latou o loo i le category 2.
Ae i le tali mai nisi o aiga ua leai so latou talitonuina o tala o loo tuuina atu e le Auckland Council.
