Ua feiloa’i atu le faauluuluga o le atunuu o Fiti i le Tamā Paia, Pope Leo XIV ma valaaulia ai o ia e asiasi mai i le Pasefika.
O se feiloa’iga na faailoa e le faigāmalo a Fiti, o se taimi tāua tele faaleagaga ma loloto lona uiga.
O le Peresetene o le atunuu, Ratu Naiqama Lalabalavu o loo malaga atu i sana malaga aloa’ia i lea itu o le lalolagi ma ua fofogaina ai le valaaulia aloa’ia mai lona atunuu ae lē gata i lea o le Pasefika.
Ta’ua e le faigāmalo a Fiti o talanoaga i le va o lo latou ta’ita’i ma le Tamā Paia sa faaautū lava i matāupu e pei o lu’itau o le si’osi’omaga o loo feagai ma tagata aemaise nisi matāupu tau le soifua ma sa talia lelei foi e Pope Leo le sāvali ma le fe’au o le filemu mai le Pasefika.
Puna o Faamatalaga: https://www.rnz.co.nz/international/pacific-news/577388/fiji-s-president-meets-pope-leo-xiv-invites-him-to-visit-the-pacific-at-earliest-opportunity
