O loo faaauau i le taimi nei le su’esu’ega a leoleo Fiti i le mataupu e aofia ai le tamaitai sa avea ma minisita, Lynda Tabuya lea ua faamālōlō e le Palemia.
Ua faia se faaseā a Tabuya i leoleo e tusa o le mataupu ma ia ta’ua ai o le faataamiloga o le video o loo pisa ai nei o se gaioiga tau cyberbullying.
O le video o loo aofia ai le tamaitai sa minisita ma lona to’alua ma ua tapisa ai le to’atele, fai mai Tabuya o se tasi lenei o faamaoniga o sauāga o loo faia i tamaitai i luga o upega tafa’ilagi.
Fai mai leoleo o loo feagai ma le su’esu’ega e solitulafono le gaioiga o loo faia e tagata o loo latou faasoa atu lea video ma e aofia ai le aiātatau a le tagata ma ua oia foi tulaga faalilolilo o ē o loo aofia i le mataupu.
O loo iai tagata ua valaau ua tatau ona faamavae Tabuya mai le Palemene ona o le mataupu o loo aofia ai ua faaleagaina ai le faatuatuaga o tagata lautele ia te ia.
Puna o Faamatalaga: https://www.rnz.co.nz/international/pacific-news/537704/fiji-police-describe-leaked-explicit-video-of-mp-an-intrusion-of-privacy
