Ua lu’iina e se kulupu o tagata e finauina mataupu tau i le tau, climate activists se faamatalaga na faia a le peresetene o Amerika o Joe Biden i le fonotaga a le COP27 e faapea o Amerika o le isi lea taitai o le lalolagi i tulaga o le tau, a global climate leader.
I sana saunoaga i lea fonotaga na faalauiloa ai e le peresetene o le malo tele nisi o fuafuaga a lona malo i tulaga o faalavelave tutupu faafuasei ma le isi 150 miliona tala Amerika mo ia tapenaga.
Ua ia saunoa ai foi o loo ausia e Amerika ana folafolaga sa faia e uiga i tulaga o le tau peitai o se kulupu ua faaigoaina o le 350.org ua o latou ta’ua ina ia avea se atunuu ma se taitai o le lalolagi i tulaga tau i le tau e manaomia ona ia faatino ana matafaioi ma tulaga e ao ona faamalieina e ala i le taofia o le faatupeina o poloketi e faaaoga ai fossil fuels poo ituaiga malosiaga e maua mai laau ma meaola ua mamate, ma inivesi i atunuu e ma’ale’ale i tulaga o mea faaleagaina ona o aafiaga o le tau.
O isi foi climate activists i le Pasefika ua vaaia i magaala e le gata i Aikupito i le mea o loo faia ai le fonotaga a o le asefika foi, ma valaau ai mo ni gaioiga moni e faia e taitai o le lalolagi e faaitiitia ai aafiaga o suiga o le tau.
Fai mai i latou ia, o latou e savavali mo le amiotonu i tulalga o le tau, aemaise aiātatau a tagata ma ia siitia le leo o tagata aemaise lava i le Pasefika e faailoa atu i le lalolagi e le o magoto le Pasefika ae o loo finau pea.
