Ua faia se taumafaiga a nisi o Aoga e faasufi le malo ina ia aua ne’i aveesea le polokalame o loo saunia ai taumafa mo aoga, le school lunch programme.
O le Ka Ora Ka Ako Healthy School lunches programme sa amata i le 2019, e saunia ai meaai mo tamaiti aoga e 235 afe i le aso peitai ua lē mautonu nei lona lumanai ina ua mae’a faailoa e le Minisita Lagolago o Aoga, o David Seymour e tatau ona toe iloilo lea polokalame a o lumanai ai le Paketi o le masina o Me.
O le petition la mai le Health Coalition Aotearoa ua tuuina i le Palemene ma unaia ai le toe silasila i le mataupu lenei.
Ua ta’ua i lipoti i le asō o lea polokalame e faaalu ai le silia ma le 300 miliona i le tausaga ma ua faapea Seymour, e tatau ona faia faaiuga faakapeneta pe faapefea ona faatino ma faafaigofie ona gafatia.
Puna o Faamatalaga: https://www.1news.co.nz/2024/04/10/schools-deliver-last-minute-petition-to-save-lunch-programme
