O loo finau mai le minisita o le va i fafo a Taiwan ia Niu Sila ina ia inivesi atili i le Pasefika e faafetaui ai le agai i luga a Saina i le itulagi.

O se faatalanoaga ma le polokalame o le Q and A lea na faailoa ai lea saunoaga a le minisita o Joseph Wu i le maliega tau le puipuiga talu ai nei a le Atu Solomona ma Saina lea fai mai a ia e ao ona avea o se lapataiga mo le lalolagi. 

Ua ta’ua e Wu i le faatalanoaga o Saina o se atunuu pulepuletutu ma latou te le faaaogaina foi tulaga tau le saolotoga, temokalasi, puipuiga o aiātatau ma le pulega a le tulafono.

Fai mai Wu a o faaauau ai ona faalautele sootaga o Saina i le Pasefika, o loo ave ane ai ma ona talitonuga ia i atunuu ia.

Ua faaailoa ai la e Wu e ao ia Niu Sila ona faaeteete i le faatumauina pea o ana mafutaga ma atunuu tuaoi lea ua oo ane iai taumafaiga a Saina.