E mananao le vaega faaupufai a le National ina ia faataga tagata talavou i lalo o le tai 30 tausaga ina ia tala i tua a latou KiwiSaver e fesoasoani i le totogiina o tenancy bonds.
O le fuafuaga lea a le vaega faaupufai e pei ona faalauiloa i lipoti i le Aso Gafua, o lona uiga o tagata e iai tupe i le KiwiSaver o le a mafai ona faaaogā mai mo le bond o se maliega tau fale mautotogi, rental agreement.
O le tupe o le a transfer sa’o mai i le account KiwiSaver a le tagata agai i le Tenancy Services ma toe faafoi atu i le KiwiSaver pe a mae’a le taimi o le rent.
O le sooupu o mataupu tau fale, Chris Bishop na ia faia le folafolaga lea i le Iunivesite o Aukilani i le aso ananafi ina ua toe amata aoaoga o le semester 2.
Fai mai a ia o le tuufaatasi o se peimeni mo le fā vaiaso o le rent e le faigofie mo le toatele aemaise lava i tamaiti aoga e lē o tele ni a latou tupe.
Fai mai Bishop o le mataupu lea e faigofie pe a faaaoga lelei iai le mafaufau.
