E iai se iuni mo tagata faigaluega o loo finau nei mo se siitaga e 9 pasene i totogi o tamaitai faigaluega e aofia ai ma auaunaga i Aoga Amata ma tagata faigaluega e feagai ma i latou e iai aafiaga tumau.
O le Australian Council of Trade Unions le ACTU ua valaau nei mo lea siitaga mo auaunaga e mātele ina toatele ai tamaitai, auaunaga e pei ona ta’ua, childcare, aoaoga, tausi soifua ma isi auaunaga tau tausiga.
Fai mai o totogi itula o ia tagata faigaluega pe 26 tala i le itula peitai o loo finau nei ina ia siitia atu i le $28.50 sene i le itula, lona uiga o le a faaopoopo ai le isi $90 i le vaiaso i o latou totogi.
Fai mai le Iuni e tatau lea siitaga mo tamatai o loo faigaluega i nei auaunaga.
Ua lipotia se tali ane a le Ofisa Sili o le ACC1, Australian Chamber of Commerce and Industry Andrew McKellar e faapea e matuai mamao lava le fuafuaga ua faataatia ane mai le tulaga tonu o loo iai galuega ma e lē taitai gafatia sea ituaiga siitaga.
Puna o Faamatalaga: https://www.9news.com.au/national/union-pushes-for-pay-rise-in-female-dominated-industries/cc109674-0776-406e-a974-81ee1c77ba70
