Ua faailoa le pulega fou a le aulakapi iuni a Tamaitai e pei ona filifilia nei iai Sifuiva Malaea Lauano ma peresitene, Luamanuvae Poto Li’o ma sui peresitene.
O Unasa Tepora Tooa Tu’i mo le failautusi ma Tanara Sootaga Mealoi ma teutupe.
O le fonotaga faaletausaga sa faia lea i le tausaga ua mavae ae o Aperila lava foi o le tausaga ua mavae na toe faatulai ai le iuni lenei a tamaitai ua faailoa e iai le talitonuga o loo iai le taleni ma le tomai i alo tamaitai o le atunuu.
Na pau le tulaga e manaomia o le atinae ma tuu atu le avanoa ia i latou e faaali ai le taleni ua latou maua.
O le saunoaga lea a le tamaitai Peresitene ma sa ia ta’ua o le matafaioi lea a tagata uma e aofia ai taitai, faiaoga, o mātua ma ē lagolago ina ia mautinoa e maua le avanoa e faamanuiaina mai ai alo tamaitai o le atunuu i lea taaloga e pei foi ona vaaia i atunuu i fafo.
