O le susuga Anthony Seuseu ua seei nei i le tulaga o le Pule Sili o le pulega o le kamupani telefoni feaveai ma fesootaiga faaonaponei le Digicel Samoa.
O se tamalii sa avea ma pule o lea kamupani i Tonga, ma sddda feagai ma luitau i tulaga tau maketi i lea atunuu tuaoi, a o feagai le lalolagi ma le faamai Koviti-19, aemaise o mafatiaga o le atunuu o Tonga ga i le sunami ona o le mauga mu na sasao ai i le tausaga na tea nei.
Ua faaalia e Anthony Seuseu i se pepa o faamatalaga faalauaitele mai le kamupani o le Digicel Samoa, o lona filifilia o le a taumafai ai e siitia le auaunaga a le kamupani i se isi tulaga e sili atu, auā o le Digicel ua iloga lana tautua i lo tatou atunuu talu mai lava ona taunuu ma faatino lana tautua i tagata o Samoa.
O le masina o Aperila e faatoa amata aloaia ai le Pule Sili fou o le Digicel Samoa ae mo le taimi nei o loo faaauau pea le tauaveina o le tulaga sui pule e se tasi o ofisa sinia o le kamupani, sa suitulaga ina ua faamuta le taimi galue o lē sa avea ma Pule Sili.
