I le tuua ai e le afioga Tafaoimalo Leilani Warren, o le tautua sa avea ai ma loia i lo tatou atunuu aemaise foi sa galue o se Faamasino o le Faamasinoga Maualuga a Samoa, sa siitia atu e faaauau lana galuega i tomai tau tulafono i Niu Sila i le Iunivesite o Waikato, ae o lea ua avea nei o ia ma se tasi o sui o le faamasinoga o mataupu tau tagata Maori le Waitangi Tribunal.

O ia faatasi ai ma isi tagata e to’afitu ua filifilia e le Minisita o mataupu tau tagata Maori o Niu Sila e pei ona lipotia ai e le leitio a Niu Sila.

O le afioga Tafaoimalo Leilani Warren o le tamaitai lona lua lea na tofia e avea ma faamasino o le faamasinoga a Samoa e pei ona sa galue muamua i le Faamasinoga Faaitumalo, sosoo ai ma le Faamasinoga Maualuga.

E tolu tausaga o le a galue ai Tafaoimalo i le Waitangi Tribunal.