O loo suesue nei e leoleo se faalavelave tuga e aofia ai se uilaafi ma se isi taavale i Aukilani i Saute i le po anapo.
E toalua tagata ua lipotia mai na ave ai i le falemai i le mae’a o le faalavelave lea i Manurewa.
O le tea o le ‘afa o le 10 i le po anapo i le fetaulaiga ala i Great South Rd ma McAnnalley Street.
Fai mai o le toalua na malaga atu i le uilaafi e tigaina manu’aga ma o loo i le falemai.
O loo ta’ua i le lipoti sa faapotopoto nisi o le autietie uilaafi i Manurewa ma o loo galulue nei le vaega o faalavelave tuga a leoleo i le faamautuina o le mafuaaga tonu o le faalavelave.
