O leoleo faapitoa a Ausetalia na faavavave atu i se fale i le pitonuu o Wagga Wagga i le itu i Saute o le setete o Niu Sa Uelese ina ua maua iai i lea fale ni pomu na faia lava e tagata i le fale.
Ta’ua e le 9News o le su’esu’ega na faia a leoleo i se alii e 30 tausaga na maua iai fuālaau faasāina o le cocaine ma le MDMA na pu’eina ai, faatino loa e leoleo ma le sa’iliga o lona fale ma feta’ua’ina ai loa le maua iai o pomu e lua e pei ona ta’ua.
Na faanatinati atu iai leoleo e faapitoa o latou tomai i ia ituaiga ‘au’upega ma faatino iai galuega mo le faalēaogāina o ia ‘au’upega.
Fai mai o le toe faaauauina o le su’esu’ega na maua ai e leoleo pulufana ma se fana, ma fatu mariuana.
Na taofia ai loa le 30 tausaga lea ma ua molia i moliaga e 16 e aofia ai ma moliaga e lua o le gaosia o ‘au’upega tau militeri e aunoa ma se pemita ma ua toe faatulaga e tula’i i le faamasinoga i le aso 21 o Oketopa.
Puna o Faamatalaga: https://www.nine.com.au/australia-news/nsw/man-charged-homemade-explosives-weapons-drug-offences-wagga-wagga-20260824-p60qu7.html
Comments
Loading comments…