E iai se isi mataupu ua lipotia i le vaiaso nei mai le faaitu lea o Adelaide, ua feta’ua’ina ai le osofaia o ni tamaitai se toafā i luga o se train.

Fai mai lipoti o se alii e 47 tausaga ua molia i moliaga e fā o le faaoolima.

Poo le ta o le 9 i le taeao ananafi ua lipotia na faasolosolo ane ai osofaiga a le alii lea i nai tamaitai i luga o le train e pei ona ta’ua.

E feta’ua’ina sa ia tuiina, po, una’i ma feanu se’i tulou i nai tamaitai ua lipotia ma ia faalumaluma i latou ia i upu na ia tautala ai.

Ina ua taunuu le train i Adelaide na taumafai ai e sola agai i le Adelaide oval peitai na maua e leoleo ma pu’eina ai loa.

E lei manaomia e nai tamaitai na aafia ni togafitiga ae ua molia nei le alii lea ma toe tatala i tua e faatali ai le aso o le faamasinoga i le aso 13 o Aokuso.

Ua faasā ona ia toe faaaogāina auaunaga lautele ia mo le 3 masina, lona uiga se’i vaganā ua fau sana ia lava train e faimalaga ai na o ia, faato’ā toe mafai ai ona tietie i se train i se taimi lata mai.

Puna o Faamatalaga: https://www.9news.com.au/national/man-charged-after-allegedly-assaulting-four-women-on-train-to-adelaide/ff3657bf-d756-4d44-ae65-80f487deb68d