E silia i le $200,000 ST o le a fesoasoani mai ai le malo o Ausetalia mo le autaaalo a Samoa i le Olimipeka.
O lea fesoasoani o loo auala mai i le Pacific AusSports ma o le a agai tonu lava i tapenaga a autaaalo.
E lē gata i ‘au ua agavaa ae o isi ‘au ua toe taitasi Taaloga e saili agavaa ai mo le auai i Taaloga o le Olimipeka.
E lē taugofie le tapenaga o le faamoemoe mo le Olimipeka ma e mautinoa e fesoasoani mai foi le malo i ana autaaalo lea ua ta’ua e tusa ma le 1.2 miliona le tauaofai o le faatupega o le masii atu a Samoa mo Pale i Farani ia Iulai o le tausaga nei.
O le tupe ua foaina e Ausetalia ua tuuina atu lea i aao o le Faalapotoptooga o Taaloga a le atunuu le SASNOC.
