William Willis and Hannah Rawnsley
Photo: nzherald

Fesiligia le vave faasa ona faalauiloa o suafa o i laua na o i Wanaka

Ua fesiligia nei le faatautaiga o siaki I malaevaalele faapea tulafono o loo tapu ai le faalauiloa o suafa o I latou e molia, ao suesue ai le ulugalii Aukilani na sosola ma agai atu I Wanaka I la laua tafaoga

O lea ulugalii na faimalaga atu ai I le taavale mai Aukilani I Hamiltone I le Aso Tofi talu ai faaaoga ai pepa faamaonia o I laua o ni tagata faigaluega I auaunaga taua, mulimuli ai pue le vaalele mai Hamiltone I Ueligitone ma faaauau atu ai I Queenstown

Na vave ona ripotia online ma faatonuina loa e leoleo e toe foi mai I Aukilani

E ui la e le I faia ni moliaga faasaga ia I laua nei I le amataga o le vaiaso, peitai na vave ona tapa I le tulafono e faasa ai ona faalauiloa o laua suafa, e ui o lea na talia le talosaga e aua nei faailoaina I laua e le i faapea a mea ua samania e le faamasinoga

O le po anapo na toe suia ai le faaiuga a I laua nei ma ua faalauaitele ma o laua suafa o William Willis, 35 tausaga o lona tuaa o se tasi o faamasino I le faamasinoga faaitumalo, Mary-Beth Sharp, ma lana ava ia Hannah Rawnsley, 26 tausaga o le tamaitai loia

Ua faatoese ai foi ma lea ulugalii Aukilani I le soli o tapu o loo iai nei

Na faalauaitele mai ai foi ma le finagalo o le tuaa faamasino ia Mary-Beth lea ua ia faailoa lona maasiasi I le tafaoga a lana fanau na alu ile faaiuga o le vaiaso

Ese mai I le tulafono, ua faailoa foi e le malaevaalele I Hamiltone o lea lava sa faia le faaiuga a le aufaigaluega fua I faamaumauga na o latou tauaaoina

Mai le ofisa o leoleo o loo vaavaai e faia moliaga faasaga I lea ulugalii I lalo o tulafono o le Koviti ma ua maea logoina foi le vaega a le soifua maloloina

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required