Ua tautino le premier o NSW, Dominic Perrottet e moni o le komesina o taavale a le falemai a le setete na ia faatulaga le aveina o lona toalua i le falemai i le masina talu ai.
A o lumanai ai le faigapalota a le setete i le vaiaso nei ua fesiligia le premier poo ai na faatagaina le taavale a le falemai e aveina lona faletua i le falemai i le aso 14 o Fepuari.
Faaalia e Perrottet na te lei sailia ni faiga faapitoa mo ia ina ua ia valaau i le minisita o le soifua maloloina, Brad Hazard i le mataupu lea ma faailoa ai pe a ma le 40-50 minute na faatali ai le ambulance ae taunuu loa ma o se gaioiga ua feta’ua’ina ai le lē usitaia o aiaiga tau le matagaluega.
O loo faaauau i le vaiaso nei le finau mo totogi lelei mo paramedics ma i latou e galulue i lea auaunaga ma o se luitau tele foi mo le premier aemaise o le vaiaso o le palota.
