O le a feoa’i fua e aunoa ma se totogi fanau uma e i lalo mai o le 13 tausaga, e faaaogaina femalagaa’iga lautele.
O se tasi lea o suiga na sau ma le paketi a le malo na faailoa mai ananafi ma ua fai mai ai le minisita o femalagaa’iga, Michael Wood, o le a faasaoina mai ai le tusa ma le $30 i le vaiaso o tupe faaalu a le aiga e toalua fanau i totonu o lea va i le tausaga.
E ese mai fanau i lalo o le ta’i 13 tausaga, o lea foi o le a na o le ‘afa o le pasese e totogi e le 13 tausaga agai i le 24 tausaga ma e faapea foi e i latou e umia Community Services Card ma Total Mobility Users.
E silia ma le 1.6 miliona tagata Kiwi o le a fesoasoani iai lenei suiga.
O se fesoasoani o le a totogi ai e le malo le tau e $327 miliona.
