O le aoauli ananafi faatoa maua ai le feiloaiga a taitai o le NZ First ma le ACT.
O lea toeititi uma le vaiaso faatoa feiloai Winston Peters ma David Deymour lea na ta’u mai lava i le Aso Sa le feiloai, peitai e feiloai foi pe na o le 15 i le 20 minute le umi.
Saunoa ai le taitai o le ACT David Seymour, atonu e oo atu i le Aso Sa a sau ua maua se tonu o le faigamalo.
E oo mai i le taeao nei e lei maua lava se feiloaiga fai faatasi a pati e tolu, National, ACT ma le NZ First, ma i saunoaga a le taitai o le National Christopher Luxon, e lē o toe mamao taunuu.
A o faatali ai pea la le atunuu, o le Aso Sa e amatalia ai le fonotaga a le APEC poo le Asia-Pacific Economic i Amerika lea e auai ai taitai o atunuu e 21 ae o lea e lē o mautinoa pe alu se sui o Niu Sila, peitai, o se avanoa e lē tatau ona misia e Niu Sila ona o le toatele o taitai o malo o le a auai e mai le itulagi o loo faamoemoe iai le 70% o oloa faatau atu i fafo a Niu Sila.
