Ua unaia tagata Ausetalia o loo faimalaga i fafo atu o le atunuu ina ia faia tuipuipui o le misela ona ua faamauina e lua cases o le misela ua oo mai i le atunuu mai Bali.

O le NSW Health na o latou tuuina mai le fautuaga i le asō ma faailoa ai o se alii na toe foi mai mai Jakarta na ia asia Kuiniselani ma Vitoria a o aafia i le misela i le masina talu ai na afua ai fautuaga e faatatau i le misela.

E lē taatele le misela i Ausetalia peitai e taatele i le tele o vaega o le lalolagi e aofia ai ma nisi o nofoaga taatele i tagata Ausetalia e pei o Indonesia, Initia, le Atu Filipaina, Pakistan ma Thailand.

O isi faaitu o loo mataitu foi e tele ai le lamatiaga o le misela e aofia ai le Middle East, Aferika, vaega o Europa ma le UK.

O le fautuaga a le soifua maloloina i tagata uma, e ogaoga le misela pe a aafia ai le tagata ma e faigofie foi ona pipisi.