O le tetele ai o timuga i le taeao nei lea na aafia nisi o alalaupapa ma nofoaga i le motu tele i Salafai e aofia ai le auala simā i Sapapalii, auala simā i Lano, auala i Saipipi auala simā i Sasina ma nisi o nofoaga.
E pei ona silasila ai i nisi o ata na tuuina mai e le mamalu o le atunuu i upega tafailagi le tatafe ai o vaitafe ua aafia ai nisi o taavale iluga o ala tele aemaise ai le tapunia ai o nei auala mole saogalemu lautele.
Na fautuaina ai e le Pulega a le tineimu i luga o upega tafailagi le utagia ai e le mamalu o le atunuu le saogalemu.
O nei fautuaga i le mamalu o le atunuu e tusa ai ma suiga o le tau i timuga mamafa ma lologa e aofia ai le siaki lelei o maota ma laoa auā le saogalemu mai vaega o tetele ai tafega aemaise o uaea eletise ma isi meafaitino e faaaoga ai le eletise mai i le susū ma uaea eletise i luga o auala.
O loo fautuaina foi le silasila i alo ma fanau mai alavai ma vaitafe lalata ane.
Mo avetaavale ia utagia lelei le saogalemu ina ia aua le avea le taavale pe savalia foi ni vaega ua aafia i tafega.
