Ua taoto nei se galuega ua fausia ai se Tusi Taiala o le a galulue faatasi ai le ofisa o le fono aoao faitulafono, ma le vasega o tusitala ma le aufaasalalau i lo tatou atunuu, e faatonutonu ai le lipotia o mataupu e tagofia e le Palemene.
O se taimi muamua lea ua galulue ai le faalapotopotoga o tusitala ma le aufaasalalau i Samoa ma le pulega o le ofisa o le fono aoao faitulafono, i le lagolago a le polokalame fesoasoani a le Malo o Ausetalia le PACMAS, e fausia se Tusi Taiala e faatonu folau ai lea galuega tāua, o loo logologo puialii ai le atunuu i soo se mataupu e tuuina atu i le Palemene.
O le amataga o le vaiaso nei e taunuu ai se aumalaga o sui o lea polokalame fesoasoani a Ausetalia, e faia ni feiloaiga ma itutino uma o loo galulue ma tautua i auaunaga tau fesootaiga ma faasalalauga, e faamanino le laasaga 4 poo le phase 4 o le fesoasoani mo lenei tausaga, ma auai foi i le faalauiloaina o le Tusi Taiala.
