Ua faailoa e le faigāmalo a Farani i le BBC o loo latou sauni nei se fuafuaga ina ia faamuta pe faalēaogā ai le auaunaga i upega tafa’ilagi a le kamupani mai Asia, le Shein ma ua faailoa mai lea tulaga ina ua mae’a faailoa e le ausu’esu’e sa faia sa latou su’esu’ega i le kamupani e faatatau i nisi o oloa lē talafeagai na maua ua faatauina i luga o lana upega tafa’ilagi.
Faailoa e le matāgaluega o le tamaoaiga a Farani o lalo o poloa’iga mai le Palemia e ono faaaauau ai pea faamasinoga i le matāupu lea i le umi e mana’omia aemaise ina ia faamaonia ane ai e le kamupani o loo utagia uma e ana auaunaga tulafono ma aiaiga faapisinisi.
Ua ta’ua foi ua faia tonu le gaioiga lea a Farani ae faato’ā mae’a ona tatala le ullua’i faleoloa o le Shein i Paris ma vaaia ai le laina umi o tagata faatau.
Ua faailoa e le kamupani i le BBC ua faasā le toe faatauina o oloa lē talafeagai ia i lana auaunaga i le lalolagi atoa ma o loo tālia nei la le i’uga o le matāupu ma le faigāmalo a Farani.
Puna o Faamatalaga: https://www.bbc.com/news/articles/cx2lppx2jm7o
