O loo i se tulaga tigaina se tamaitai ina ua fana e le tagata a o saofa’i i totonu o se taavale sa faapaka i le Gold Coast.

Na valaau ane le fesoasoani faavavave i Trees Rd i Tallebudgera poo le aoauli ananafi ina ua faalogoina le pa’ō ane o se fana.

Na maua atu ai le tamaitai lea e 33 tausaga o aafia i manu’aga mai se fana ma faavave atu ai i le falema’i i le Gold Coast.

Fai mai le 9News e talitonu sa iai ma se isi tagata i totonu o le taavale i le taimi lea ma e iai nisi o loo faatalanoa e leoleo i le mataupu lea.

Fai mai sa iai tagata i le nofoaga na tupu ai le faalavelave i le taimi lea e aofia ai tagata sa tali atu i se valaau mo faatauga o meafale i luga o upega tafa’ilagi.

E to’atele foi tagata na lipotia na sosola ese mai lea nofoaga i lea taimi.

O loo una’ia e leoleo soo se tasi e silafia ni faamatalaga i lea mataupu ina ia faafesoota’i atu.

Puna o Faamatalaga: https://www.9news.com.au/national/gold-coast-tallebudgera-shooting/94d84fd1-9dfc-4144-afb1-9b3acfa7bdee