E soloatoa i le falepuipui le faasalaga o se alii ona o le faatinoina o se gaioiga e iai sootaga ma se kegi i le nofoaga o se tasi o ekalesia i Aukilani i le toeitiiti 2 tausaga talu ai.
Na lipotia i le asō i le televise tasi o Daniel Eliu sa peresetene i le Notorious Chapter of the Mongrel Mob ae na fana i fafo ane o le Puhinui Seventh Day Adventist Church i le aso 17 o Tesema 2022, sa auai i se polokalame na faia ai i le lotu lea e fesoasoani ai i le soifua toe fuata’ina o i latou sa i le falepuipui ma le toe aga’i ane i le komiuniti.
O le alii e suafa ia Thomas Tahitahi e 42 tausaga o se sui o le kegi o le Head Hunters o ia lea na ioeina lona fasiotia o Eliu.
O le Faamasinoga Maualuga i Aukilani na lau ai lona i’uga i le asō ma e soloatoa i le falepuipui, ma e tatau ona tuli le 17 tausaga faato’ā agavaa e talosaga i le palola.
Puna o Faamatalaga: https://www.1news.co.nz/2024/08/14/man-jailed-for-brazen-gang-linked-execution-at-auckland-church/
