Search
Photo: RNZ

Faitau selau afe tagata Kiwi e lē o mafai ona totogi pili moli

E faitau selau afe tagata Kiwi e lē o mafai ona totogi pili moli, ma e ui i fuainumera na sau i lipoti a le malo o loo iai le talitonuga o nisi, e sili atu.

Sau le lipoti a le matagaluega o pisinisi ma galuega i le piriota na faauma ia Iuni o le 2022, na maua ai o le 6% o aiga e lē mafai ona gafatia le totogiina o pili moli.

Ae mai le sui o le matagaluega o le soifua maloloina, o ia foi o se tagata suesue sinia, Dr Kimberley O’Sullivan i tala a le leitio a Niu Sila, o lea % ua na o sina fuainumera.

E tusa ma le 360,000 aiga i Niu Sila e lei mafai ona totogi pili moli, ma o se faafitauli o loo faatupula’ia pea le toatele ona o le taugata o le soifuaga.

O le masina o Ianuari o le tausaga nei na fai mai ai le Consumer NZ e tusa ma le 40,000 aiga na motusia eletise i le tausaga talu ai ona e lei mafai ona totogi pili.

Ua tu malosi ai le Common Grace Aotearoa ma amata le petition o loo faatalosagaina ai le Electricity Authority ia faasā ma faamuta le toe motusia o le eletise mo aiga faapea peimeni nei e totogi e toe faaola ai, poo reconnection fees.

Puna o Faamatalaga: https://www.rnz.co.nz/news/national/521585/hundreds-of-thousands-struggling-to-pay-for-electricity-report

Tala sili ona faitaulia

SAMOA UPDATE

PODCASTS

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required