E tele faletalavai laiti ua tapunipuni ona ua le mafai ona tauva ma isi faletalavai o loo ofo fua mai a latou auaunaga.
O faletalavai laiti nei i tua poo faletalavai i le komiuniti ua tapunia le 70 i totonu o le fa tausaga talu ai, ma o le 30 o lea aofaiga na tapunia faitotoa i totonu o le tausaga faatoa mavae atu nei.
Ua tuuaia ai e le faalapotopotoga o loo lagolagoina faletalavai i le komiuniti le Pharmacy Guild, faletalavai o loo ofoina mai e le supamaketi a le Countdown faapea le Chemist Warehouse lea o loo tele ina maua ai talavai e le tau totogia, ua oo lava foi i le $5 lea sa tele ina tāpā.
Mai le Pharmacy Guild ua na o ni faiga faatosina ina ia atili faaleleia ai a latou sea i le maketi.
O se mataupu ua ave ai e le Pharmacy Guild le pulega a le soifua maloloina i le tulafono, ona o laisene e lua na ia faamatuu atu i faletalavai a le Countdown e mafai ai ona tala fua talavai a tagata.
Ae na ta’ua e le loia o loo tu mo le pulega a le soifua maloloina, e pau le itu o loo popole iai le Pharmacy Guild o tauvaga i le va o faletalavai ae le o le soifua maloloina o tagata lautele.
