Fai mai e oo lava i tamaiti aoga i aoga faataitai, kindergarteners ua tutuli ma le aoga ona o le violence poo tulaga o sauaga.
Ua faailoa i le lipoti a le 9News o faamaumauga mai le matagaluega o aoga ua ta’ua ai e silia ma le 21 afe tamaiti aoga primary, aoga tulagalua sa tutuli ma aoga i Kuiniselani faapea foi ma isi mai aoga faataitai.
O faamatalaga a le matagaluega ua ta’ua ai e tāua tele le faamautinoa o loo saogalemu tamaiti ma faiaoga i aoga taitasi ma o loo galulue foi i mataupu eseese e alia’e a o feagai ma le galuega, mataupu e aofia ai le fusu i totonu o le aoga, uiga fiamalosi o tamaiti ma o nisi o ia uiga e faia faasaga i faiaoga.
