O le a faamalosia kamupani vaalele e faamalamalama i tagata le mafuaaga e ala ai ona faatuai pe faalēaogāina foi ni faigamalaga e agai ese mai ma Sini, i lalo o se faiga fou a le malo ua faalauiloa mai ua agai sa’o i lea tulaga.

O le minisita o Felauaiga o Catherine King na ia folafola le toe fetuunaiga ua faia nei i le malaevaalele i Sini.

I lalo o ia aiaiga fou e tatau ai i kamupani vaalele ona faamanino le faalēaogāina ma le faatuai o faigamalaga ma o le a fesoasoani foi la lea i le maua ai e tagata malaga o faamatalaga sili atu e faatatau i le auaunaga a le kamupani vaalele.

O le a faia le uluai sueina o tusi o ia faamaumauga i le tausaga nei ma o lona uiga o soo se faaaogāina sese o slots poo avanoa o le a maua uma ai i’i ma faia vave iai se fofo.E leai se suiga i le tulaga o loo faagaioia ai le malaevaalele i lalo o ia aiaiga fou ae o le a iai se piliota o le recovery period e fesoasoani ai i le malaevaalele e soalaupule faatuai i malaga e mafua mai i le faaletonu o le tau poo nisi aafiaga.