O loo faatalia nei se tala lata mai o se mataupu e aofia ai le kamupani mai Ausetalia o le Lovisa lea o loo faia iai ni suesuega ina ua ta’ua e iai se su o loo agai atu iai e taitaia e le ofisa loia o le Adero mai Ausetalia foi.
O le suesuega o loo fia faamautuina pe na lē sa’o le totogiina o tagata faigaluega casual, part time ma full time o le aufaigaluega a le Lovisa.
E 26 faleoloa o le Lovisa i Niu Sila ma ua faailoa i lipoti a le Stuff suesueina foi i se taimi ua tuanai le kamupani lava lea ona o ni faaseā mai le aufaigaluega, na faataunuuina le suesuega mo le 9 masina ma iloa ai na solia e le Lovisa tuutuuga mo le faia o totogi o tagata faigaluega ma sa tuuina loa iai ni lapataiga, sa usitaia uma e le Lovisa ma toe ausia ai tulaga sa fautuaina ane e le suesuega i le masina o Oketopa o le tausaga na tea nei.
O isi tuuaiga o loo tuuaia ai le kamupani i le taimi nei e aofia ai taimi o malologa ma le taimi manaomia ona tausami ai le tagata faigaluega.
