Poo le te’a laitiiti o le ‘afa o le 10 i le po anapo na valaau ane ai le fesoasoani faavavave i se faalavelave i Sini, na maua atu ai se taavale o le ituaiga o le Audi o loo mu i le mae’a ona feto’ai ma se isi taavale o le Nissan i Davies Rd i Padstow i le itu i Saute i Sisifo o le aai.
O le tineimu na o latou tapēina le afi ae o faamatalaga na maua e leoleo e faapea o i latou sa i totonu o le Audi na sosola ese mai le nofoaga lea ina ua tupu le faalavelave, fai mai e toatolu ni alii.
O le avetaavale o le Nissan e 39 tausaga le matua o loo i se tulaga tigaina i le falema’i ma e oo mai i le taimi nei o loo sailia pea e leoleo i latou na aofia i lea faalavelave ma talosagaina le fesoasoani a le atunuu ia latou suesuega o lea faalavelave.
Puna o Faamatalaga: https://www.9news.com.au/national/two-car-crash-sydney-man-in-critical-condition-manhunt-underway/6e33e9b0-1e4c-42ce-a0dc-914cce1f10b4
