O le asō lea e faatalanoa ai i le Palemene a le atunuu se tulafono e soloia ai le Maori Health Authority poo le Pulega o le Soifua Maloloina a Maoli a o lei faataunuuina se iloiloga i le Waitangi Tribunal e lu’i ai lea gaioiga.
O loo taitaia mai lea lu’i e Lady Tureiti Moxon lea na ia ta’ua ua matuai lē amanaia lava e le faigamalo leo o tagata Maoli i le mataupu lenei.
Saunoa Luxon i le lipoti a le RNZ sa malamalama lava ana fuafuaga ina ia aveesea lea Pulega mai lava i le amataga ma sa aofia foi i le latou campaign i le taimi o le palota.
O loo fuafua le faigamalo e pasia faavavevave le mataupu lea i le Palemene i le asō.
